BLT Burger (Closed)

BLT burger一向大排長龍，好難得星期日既午餐時間等左唔駛廿分鐘就有枱。肉類或海鮮類既burger平時就食得多，見得多。友人又已經點左和牛burger, 見到BLT有素burger,仲要唔係omipork呢類仿肉，而係vegetarians falafel，當然要試下啦。Falafel，係炸鷹咀豆餅，中東食品。絕對唔係平常係香港一般食肆內會見到的食物。我係電視見得多，但係從來都未試過，所以都好期待。個burger除左有炸鷹咀豆餅，又有牛油果，青瓜等起配全麥包，令成個burger感覺健康左。炸鷹咀豆咬落鬆脆可口，有特別既香料味道，半點也不油膩，加上其他配菜，係一個集美味可口，清新清爽於一身既burger。和牛burger雖然有流心蛋，牛肉亦不會乾硬，但整體而言，食味及口感都很普通。個人認為，和牛還是成塊扒或肉粒咁去煮最能突顯入口即化既口感，拿來做漢堡後個texture已被破壞，有點兒浪費。炸蕃薯條，香脆不油，但稍硬。同樣是炸蕃薯條，台灣夜市的炸甘薯條比較得我歡心。整體來說，falafal burger性價比高，素食人仕想吃burger的話，可以一試！