Video
Read full review
2019-02-10
343 views
其實以前去新蒲崗已經遠遠望過呢間德國餐廳好多次，唔知點解有種感覺好想去，今日年初三終於有機會去到。時間尚早但係都見到有啲客人已經坐喺出邊露天茶座嗰度食緊野好開心好有氣氛，但係我哋入咗室內嗰度坐啦。咁入到去就唔見我哋原本想叫嗰個套餐，咁我哋都諗應該係新年可能冇咗，咁我哋就問吓店員啦：店員話冇唔緊要嘅，但係唔使咁倔。😐所以店員講嘢嘅語氣同服務態度就真係有待改善啦～而且去到冇咗個餐，咁我哋冇叫其他嘢飲。餐廳應該主動啲去問我地要唔要水或者幫我地斟。咁我哋叫咗佢斟四杯水，入邊有兩杯水都係污糟，我哋又要再叫佢換啦。幫我地斟水同主要服務我哋嗰個服務員態度都算好啲，謙虛。我哋就唯有叫德國豬手、香腸拼盤、墨西哥香蔥芝士醬薄餅🧀🌮同埋香草醬煙三文魚意粉。🍝呢度招牌德國鹹豬手。我對佢嘅期望係好高，因為係德國餐廳囉同埋真係食過好味嘅德國鹹豬手係一定好🈶️鹹香味道，味道好入味。但係呢度就有待改善。佢就切開晒成碟嘅都幾方便。咁但係個豬手味道就真係唔夠咸味道太淡我都食唔出係鹹豬手。唔夠入味我食唔到鹹豬手嘅感覺。而且豬手嘅外皮應該係同佢嘅外貌相符合即係要脆身，但係佢就冇呢個感覺。同埋佢陪左啲清新嘅酸菜係好事黎嘅，一嚟夠
我哋就唯有叫德國豬手、香腸拼盤、墨西哥香蔥芝士醬薄餅🧀🌮同埋香草醬煙三文魚意粉。🍝
德國鹹豬手配酸菜及薯仔沙律
$208
11 views
0 likes
0 comments
徳國香腸拼盤
$158
19 views
0 likes
0 comments
香草醬煙肉三文魚意粉
$128
26 views
0 likes
0 comments
墨西哥香蔥芝士薄餅
$88
18 views
0 likes
0 comments
另外佢個德國香腸拼盤我就好鍾意因為我好鍾意食香腸啦。二來佢都幾豐富，同埋德國最出名嘅另一樣野就係香腸呀嘛。佢有四款香腸，兩種紅兩種白。首先紅色最短圓轆轆嗰種腸仔我覺得最好味。佢每種香腸一次落去都有驚喜嘅，呢種香腸一切落去就有啲類似咖喱汁嘅嘢爆出嚟，原來佢食落去係辣辣地嘅，啲辣味係沖入去我嘅喉嚨都幾刺激，可能咁樣我就覺得有啲辣到，但係其實我諗佢本身都唔係太辣嘅。但係就因為佢係度入咗喉嚨所以就覺得比較辣姐，佢味道都係比較惹味嘅比較突出，另外果隻紅色香腸佢就正常啦。
另外果兩隻白色香腸呢。短啲嗰隻呢就有好香嘅香草味啦。我比較鍾意呢隻。而長身啲嗰隻切落去呢就有啲白色嘅忌廉爆出嚟，類似我諗芝士啦，但係呢隻香腸就帶啲酸味嘅，咁我覺得就有啲啲唔太習慣，雖然佢係芝士啦，咁所以兩者對比起來我鍾意食前者多啲。佢每種香腸都好豐富又配埋芥茉醬。我就首先食咗每隻香腸嘅原味先嘅，咁之後就再點下佢隻易入口嘅芥茉醬啦，咁就有另一種新感覺。喺呢度就一齊上埋個墨西哥香蔥芝士薄餅。咁就一啖薄餅一啖香腸啱啱好。嗰個芝士醬就唔係太食到芝士味反而就好似食緊帶有檸檬味薯蓉咁樣。
個香草醬煙肉三文魚意粉份量就幾多，不過就略嫌佢太多橄欖油，有啲油膩。
今日心情就..🤯有啲遺憾就係節日冇咗套餐飲唔到芝士奶蓋綠茶😢🥺
Post
