去到店外有七八人係度等緊，行去囉籌，等左陣就問我地卡位可唔可以，咁我地話無問題，咁樣就即時可以入去食啦。
點左招牌既小籠包外，柑太要酸辣湯拉麵，我就要排骨拉麵，加多個菜肉雲吞。
以前由七粒既菜肉雲吞變左六粒，細粒左，不過食落味道幾鮮，最大優點係個湯底係有金華火腿既鮮甜味，飲左幾啖都唔覺得太濃，反而仲好清甜。
小籠包上場，內裡既涵無乜肉味，而小籠包內既湯亦只有雞湯味，少少豬肉香都唔覺有。失望。
酸辣湯拉麵，整體不俗，可惜湯酸而不辣
排骨拉麵，敗筆，排骨比一塊午餐肉差唔多大，上粉上得差，炸出黎皮熟肉唔熟，粉紅色既肉清晰可見。
講真果句，係得呢個位食呢樣野，真係唔好有要求，相信佢地都認為主打客人都係趕住搭飛機，求求其填飽個肚就得掛，希望將來會有改善
