典解想試? 係因為媽媽好耐之前話想試文思豆腐羮, 我係網上面搵到呢度有得賣~
可惜媽媽一路個Mood未到, 所以可以趁今次買過外賣過佢食~
瑤柱豆瓣酥---呢個未食過, 好香豆味, 好味道~
宮庭富貴花---呢個係醃蘿蔔, 冇拿喉~好清新好好味呀~
茶燻溏心蛋---又係好有心機做擺設既一味~
好有秘密花園FEEL~
溏心蛋堅溏心, 煙薰味都好香~正~
我入目中既主角---文思豆腐羮出場喇~
啲豆腐整到髪菜拱幼, 如果堅係切的話真係刀法如神呀!!!!!
個湯好濃翅湯底味, 好好飲~推介!!!
外賣咗碗俾媽媽, 佢都話好飲呀~
千丁糯米肉---呢個係糯米入面包治舊五花腩~
因為等佢易淋啲, 預早切開咗一條條狀(又係刀功!!!)~
呢個G肉同糯米夾埋真係好好味~超得!!!
松鼠桂花魚---刀功一流!!! 炸得好好~個汁都唔錯~好味~
啲松子仁都好香好好食~我猛食呀~哈哈~
清燉獅子頭---我平時麻麻呢味~出面食總係實的的拱....
今次試咗小半舊~咬落好鬆軟~個湯亦好鮮~掂呀~
秋葉白玉盒---外圍係冬瓜做既兜, 裝治啲切晒C既料~
內圏係冬瓜片咗薄片扮餃皮, 包治相同既餡料~
最中間係辣辣地既雲耳類物體~
又係Show刀功time~超級勁~仲要係好清好好味的~正~
