睇完《衛食攻略》嘅介紹，終於有機會嚟到！呢度以四十種唔同嘅咖啡豆同埋虹吸嘅沖法製作咖啡，重點老細強調佢呢度嘅咖啡唔酸唔苦！
公司三文治 $40
外層麵包搽咗牛油，烘到金黃色好吸引，薄身又脆脆哋好香口。即叫即整熱辣辣，夾住炒蛋、火腿、餐肉同埋芝士，蛋做到一層層好滑！
焦糖咖啡 $45
其實想問老細會推介用邊款咖啡豆配，但佢可能太忙就無答。你哋如果想有想試嘅可以自己order時揀好一款先！anyways係幾好飲，雖然比我想像嘅焦糖味少，但真係一啲酸味都無，香濃甜度適中。
呢度週末坐滿人，坐得比較逼，快快食完就走咗，同埋要自己搵位同埋出去叫嘢食。不過大家經過都值得一試呀。
