Read full review
2021-07-17
112 views
第二次黎呢度食晚飯 係encore系列入面既其中一間😬對上一次黎都幾爆場 門口都仲有唔少人等位唔知點解今次比較冷清 亦都唔見有人等位🤨呢度既主菜係需要提前預訂咗先 不過我地無叫到🤭因為除左要訂既主菜外佢其他既pizza, pasta同小食都好滿足到我😂限時個半鐘既用餐時間 無論有無人等位 夠鐘你都要走🥺Um…其實呢個位都建議可以酌情處理 如果無人等位的話會唔會可以俾客人坐多一陣呢🤔不過就唔知店舖係咪有特別原因喇🤨行輕工業風既呢間食店 可以俾到你影相既位唔多不過牆上既插畫都幾有風格 大家都可以留意一下🏞-🔸三級風暴薯條 份量都幾多 嚴格啲黎講佢係薯塊唔係薯條🥔有三個醬汁會跟埋俾你 分別係黑松露 香蒜同明太籽😲薯塊炸得香脆唔油膩 反而醬既味道就唔係特別香濃🤔-🔸蜜糖芥末炸雞翼 由於雞翼有三隻味道 不過其餘兩隻味都係辣既🌶所以我地就揀咗呢隻唔辣既味道 上一次都有叫佢其實佢既蜜糖芥末味係幾重既 個汁係香既😌不過佢唔係我中意食個隻蜜糖芥末味 硬係食到苦苦地咁🤭但呢個係我自己口味既問題 因為🧸都無呢個感覺😂雞翼都好脆皮嫁 我覺得似焗多過炸 食落口無炸個種感覺👍🏼-🔸芝士辣肉腸薄餅 呢個亦係enco
對上一次黎都幾爆場 門口都仲有唔少人等位
唔知點解今次比較冷清 亦都唔見有人等位🤨
呢度既主菜係需要提前預訂咗先 不過我地無叫到🤭因為除左要訂既主菜外
佢其他既pizza, pasta同小食都好滿足到我😂
限時個半鐘既用餐時間 無論有無人等位 夠鐘你都要走🥺
Um…其實呢個位都建議可以酌情處理 如果無人等位的話
會唔會可以俾客人坐多一陣呢🤔
不過就唔知店舖係咪有特別原因喇🤨
行輕工業風既呢間食店 可以俾到你影相既位唔多不過牆上既插畫都幾有風格 大家都可以留意一下🏞
-
🔸三級風暴薯條
份量都幾多 嚴格啲黎講佢係薯塊唔係薯條🥔
有三個醬汁會跟埋俾你 分別係黑松露 香蒜同明太籽😲
薯塊炸得香脆唔油膩 反而醬既味道就唔係特別香濃🤔
-🔸蜜糖芥末炸雞翼
由於雞翼有三隻味道 不過其餘兩隻味都係辣既🌶
所以我地就揀咗呢隻唔辣既味道 上一次都有叫佢
其實佢既蜜糖芥末味係幾重既 個汁係香既😌
不過佢唔係我中意食個隻蜜糖芥末味 硬係食到苦苦地咁🤭
但呢個係我自己口味既問題 因為🧸都無呢個感覺😂
雞翼都好脆皮嫁 我覺得似焗多過炸 食落口無炸個種感覺👍🏼
-🔸芝士辣肉腸薄餅
呢個亦係encore菜式 因為我地都係非常之中意食辣肉腸既人😬
見到整個pizza淨係鋪滿辣肉腸 心情係好興奮🤩
Pizza係薄脆既餅底 所以又唔會好飽好濟😌
每一啖都食到辣肉腸 簡直係為我地而設😋
不過佢焗得唔夠平均 一邊就燶啲
另一邊就好似岩岩得左無耐咁🌗
-🔸明太籽櫻花蝦配青瓜絲扁意粉
呢個pasta可以用一個字形容到 : 多😆
醬汁多櫻花蝦好多青瓜絲勁多 見到個堆青瓜都打左個突🥒
唔係有啲咩唔好既 只係誇張左少少咁喇😂
要將d青瓜絲移去第二隻碟度 先可以夾到啲意粉
意粉軟硬度正常 唔會太淋太硬👍🏼
將所有野撈埋一齊食就好好食🤪
-🔸洛神花柚子梳打
🔸益力多沙冰
🔸二世祖特濃朱古力
洛神花柚子 酸酸地都幾開胃嫁 配上梳打係解渴的選擇😋
益力多沙冰都好足料 唔會淡某某咁 同埋都幾大杯😲
二世祖特濃朱古力係呢度既招牌主打 佢真係好鬼香嫁🍫
一送到埋枱就聞到 不過飲完呢杯野 真係好會飽好飽😶🌫️
-🧸🌞C.ookingbear推介指數 👉🏼👉🏼7️⃣🌟
Post
