兩年後我地又再一次到訪呢度 整體格局上都無咩點變
仲好記得印象深刻既牛油果大公仔🥑佢地都仲健在😆
餐廳保留一貫大自然樹林風🌿四周都可以見到植物佈置
係度用餐既感覺會令人好舒服 可以好放鬆😌
食物上既轉變唔係十分大 但亦因為佢呢度比較多款式
所以唔想重複的話 佢依然都有好多選擇😋
➷
🪐 牆城小食拼盤配自家製蛋黃醬
▸ 美式甜辣香脆雞翼
▸ 德國腸
▸ 脆炸薯條
▸ 甜蕃薯條
▸ 馬蘇里拉芝士條
▸ 三角流心芝士
小食拼盤有分大細 所以無論人多定人少 都可以享用到😋
睇到呢個拼盤 都知道佢係為🧸而設 全部都係佢鍾意食😆
雞翼醬汁既甜辣味好到位 辣得有啲過癮🌶
濃香奶酥味既芝士條同三角芝士🧀如果你係芝士愛好者
我肯定你一定會鍾意食🤣極濃芝士味👍🏼
再黎既就係啖啖肉德國腸 煎得金黃香脆
當然唔少得薯條mix埋蕃薯條🍠一種口感兩種口味🤤
絕對係一個滿足到大家既小食拼盤👍🏼
§
🪐 牛油果忌廉蟹肉意大利飯
相當吸睛既意大利飯 尤其佢個好似雪糕球咁大既蟹肉🦀
層次好分明 蟹肉👉🏼牛油果👉🏼芝士片👉🏼意大利飯
精緻既擺盤同時方便大家打卡📸
好在佢配料都幾多 因為飯既份量都好多😲撈勻就岩岩好
係過程中 內裡焗住既香氣隨住熱氣飄出😶🌫️
醬汁既份量調教得好 整個飯都覺得好creamy🤤
味道濃厚而不腬👍🏼食完會飽但唔會滯😋
§
🪐 焙茶拿鐵
焙茶既香味撲鼻 入口味道濃厚☕️
拉花出奇地可以hold到尾唔點變型😍
🪐 (偽)隊返杯凍啤 - 自家製泡沫蘋果橙紅茶
真係成杯啤酒咁款🍺呃吓人地又呃吓自己😆
睇配搭都知係清新系列 果香天然甜配上紅茶 幾有特色👍🏼
➷
好開心事隔兩年 餐廳既水準都可以維持得到無退步😌
食物質素高 環境又舒適 難怪都仲係人山人海🥰
所以要去食之前 記得預早book位呀📱
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟
