今次係呢度發掘到一間泰國餐廳🇹🇭
估唔到上到黎都幾多人 成個場面都好熱鬧😲
餐廳環境上幾有格調 簡單得黎帶點泰國風情👒
多人啲仲有機會可以安排到木屋設計雅座🤩
食物選擇上都唔需要擔心 基本上都好齊全😉
呢度仲有shake shake海鮮提供🦐岩食既話都可以一試
特別一提 佢既份量唔細 所以叫之前要好好規劃一下🤣
➷
🔹 泰式生蝦刺身
因為🧸唔識欣賞生蝦 呢個可以話係我自私之選🤟🏼
絕對係一個人食30隻都無問題 極度喜愛😍
生蝦刺身本身都係好靠個汁去帶出味道
今次呢個醬汁唔算好辣🌶廢廢的我都食到 可以沾多啲😋
爽口既蝦肉配埋酸酸辣辣恰到好處既生蝦汁😌無得頂👍🏼
🔹 炭燒豬頸肉
豬頸肉帶有佢本身既油膩 每一口都充滿油脂💧
燒過既豬頸肉油份會特別香😶🌫️表皮變得脆口
就咁食會比較腬 有啲菜襯吓相對會好好多🤪
🔹 泰式沙嗲串燒
令我嘩一聲既一個菜式😲原因係因為佢好大串
平時食開個啲係小串 呢度既係XL size 好誇張🤩
串燒可以揀半打 自由組合 我地揀咗豬牛雞各兩串✌🏼
燒起既串燒埋枱時都已經可以聞到香味 調味做得足👍🏼
就算唔靠沙嗲醬都可以食到濃濃既香茅味🤤
雞肉有點乾身🤏🏼靠返個沙嗲醬食會比較好😋
醬汁既精髓在於有香濃花生醬味道 所以點都記得要試一試🤤
🔹 青咖喱雞肉+香酥薄餅
OMG😱點解又係咁大兜 一睇到就知道食唔晒🫢
仲要入面既雞肉同配料都好多 起碼夠食3餐
青咖喱有一點辣 愈食愈過癮 個種辣係會停留🌶
所以我都要一路食一路飲野 不過配埋酥餅食又真係好惹味🤤
🔹 馬拉盞炒椰菜苗
馬拉盞基本上都可以話係炒乜都好食 點炒佢都嬴😂
帶有少少咸魚香🤏🏼令到蔬菜變得非常惹味 百吃不厭😋
🔹 芒果糯米飯
已經飽到上心口 不過一早落咗order就唔取消嚕😌
糯米飯底既黏口感做得唔錯 唔會太過漿口👍🏼
芒果熟成度足夠 散發出好強既芒果香🍑味道偏甜
椰汁就唔會太甜 亦都唔腬 可以平衡返成件事😛
➷
🔹 青檸梳打
無揀到特式啲既飲品 因為呢個對於我解辣黎講會係最好🤣
➷
泰式餐廳黎講佢既食物質素都算唔錯 多人食會更加開心🥳
份量大之餘 味道既掌握都有保證 得閒黎小聚都有得諗😉
➷
🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟
