時間大約7點左右， 入座率都幾高。但都仲有位，等左幾分鐘就安排入座。
兩個人坐四人位，空間闊落。
可能因為繁忙時段多人幫襯，有點介乎熱鬧與嘈雜之間，是好是壞就見仁見智。
全QR code落單，對後生一代冇問題，但對老人家可能就未必太友善。
有餐紙巾提供，值得好評
1
咖哩雞焗飯，性價比高，上菜時熱辣辣。
冇諗過上面有芝士＆焗薯，相當好味。
蒲燒鰻魚炒珍珠飯，味道不過不失。
上面配有大量木魚，飄飄下賣相吸引。
類可以要求多飯／少飯，幾滿足到唔同人嘅需要
(不過冇比較到係咪真係會多/少左飯)
餐飲比主食早到，叫左鮮草莓沙冰＆茶走。
草莓沙冰大大杯好抵飲，兩個人share 啱啱好。當甜品都得
懷疑水吧以為茶走=奶茶走甜，飲落冇甜味。
好彩杯野仲熱，自己加糖都冇問題。
食嘅過程見到唔少人order佢嘅扒餐，望落幾大份，又可以"JAR JAR 聲"。
實在太吸引，下次會試下～
