The One 又有新餐廳，裝修仲好有心思 ☺️
白色為主調，金色作點綴，自然而不做作。
今日試左佢地既lunch menu，前菜挑選左甘荀忌廉湯；質地濃稠，菜蔬感豐厚。如果奶可以落多d，後韻既甜味應該可以更上層樓，令成件事變得更加飽滿😋。
主菜阿拉斯加蟹腳蟹肉香蒜忌廉扁意粉，忌廉感豐厚，整體不俗！唯蟹腳稍微乾身左d，可以改善。
另外加左個香煎鴨肝（伴雜莓汁），伴碟更有沙律菜解膩；酸中帶甜既汁煮蘋果與雜莓醬撞上鹹香而面帶焦脆既鴨肝，令整體層次感變得非常豐富。
此外，餐廳員工都好友善☺️ 不過，除左以上優點之外，亦有需要改善既地方。就係佢上菜既次序；佢先上左主菜（意粉）然後旋即上個香煎鴨肝（Middle course）。食完碟鴨肝，個意粉已經凍左三成 🥴 呢度需要留意一下。
