由於價錢平，仲有燒賣和蛋撻食，排長龍都係值得嘅。
B餐有燒賣10粒加一杯熱飲，都係$30，機場禁區內來講已經算係最平。
全部蛋撻標榜係90分鐘內出爐，加上只係$10 一個，冇得唔食啦。
眼見都幾多人買上飛機，半打半打咁買。
仲有其他產品芝士撻、黃金蛋撻（即係鹹蛋蛋撻）、同埋鮑魚叉燒批（堅係有成隻鮑魚仔）喎，
選擇之多，同價錢之平（機場）簡直無懈可擊
1
原來仲有鳳凰卷，可惜唔見有人買喎⋯⋯
最後我叫咗一份燒賣餐，另加一個蛋撻，都係$40。
可惜無論燒賣同埋蛋撻都係凍嘅😩，好失望，咁大個人第一次食凍嘅燒賣同埋凍嘅蛋撻，完全唔好味。
好懷疑佢嘅暖櫃功能，都唔熱嘅！標榜90分鐘內出爐又有乜意思呢？希望可以改善下。
最後，奶茶OK！
