豚丼のぶたはげ (德福廣場1期)

Open Now

Now Closed

豚丼のぶたはげ BUTAHAGE 最近推出冬季限定菜式🦀松葉蟹丼同一人前鍋物，賣相好吸引，價錢又唔貴，性價比好高！【松葉蟹丼】松葉蟹貴為日本三大名蟹之一，特色在於其細長嘅蟹腳同豐滿嘅蟹肉，肉質緊實且充滿甜味，呢個蟹丼用料好豐富，有齊蟹鉗、蟹肉、蟹腳同蟹膏 ！蟹肉鮮甜嫩滑，松葉蟹拆肉起膏，蟹膏甘甜香濃，用嚟撈飯非常滿足，一次過品嚐松葉蟹嘅鮮味【陸空三拼鍋物】三拼鍋物結合咗牛五花、豬五花同雞腿肉，可以自選湯底、主食及醬汁，彈性度高，可以組合自己喜歡嘅口味，我就揀咗壽喜燒湯、烏冬同胡麻醬，鍋內配料有野菜、菇菌同豆腐等，配上壽喜燒湯汁味道濃郁，冬天食暖笠笠，滋味非常！