今日與友人來到位於堅尼地城的潮福蒸氣石鍋, 一嚐好滋味!
甫入門口便看到各式海鮮, 新鮮生猛!室內是中式酒樓的設計, 寬敞舒服.
我地二人二話不說便選擇了任揀任飲任食海鮮餐, 一於樣樣試齊! 不過menu仲有好多選擇, 可以散叫, 小炒, 飲品和不同的海鮮餐等.
首先奉上足料老黃瓜燉唐排, 滋潤一下.
侍應很快奉上色澤金黃的乳鴿, 香氣撲鼻. 乳鴿外脆內軟, 肉質嫩滑多汁, 好味!!
接著便開始今晚的海鮮盛宴啦! 別忘了先到汁醬區調配喜歡的醬汁哦~
花甲、北寄貝、青口鮮甜味美, 不一會便消滅掉了.
龍蝦雖然望落有點小, 但原來啖啖肉, 而且清甜滋味, 配上蒜蓉, 好食到停不了口.
再來的鮑魚上舖了蟲草花, 別有一番滋味. 象拔蚌鮮味彈牙, 蒸海鮮中我每次必食. 墊底的粉絲吸收了鮮味, 超級好食!
聖子和元貝也是啖啖肉, 再眾多海鮮中, 一點也不失色, 鮮甜好味.
最後當然少不了吸收了以上各種海鮮鮮甜味的粥底啦! 清甜綿滑, 拿來作為一餐海鮮餐的作結最適合不過了!
