豚王 (Closed)

冬天搵野食對我地兩個黎講都幾難，又想食得多，但係又怕太凍消化力唔好，今日係尖沙咀行行下，就去左呢間豚王。之前都有食過呢間，上次食左芝士濃湯，勁膩勁油食完個胃唔係咁舒服今次乖乖地嗌左原味普通濃度，再加腩肉試下。今次食又幾正喎！唔太油唔太膩，少少肥膩感覺岩岩好，湯底幾香，碗麵份量唔算大，女仔食岩岩好，男仔就要「替玉」加麵底喇！個腩肉肥膏位都算多，下次都係食脊肉。