三餐冰室

Open Now

Now Closed

今晚出咗去尖沙咀交收, 好耐都冇行過加連威老道啦!好多鋪頭都唔同咗樣，行行下轉返個彎搵地方食個晚飯，喜歡科學館對面靜靜地冇咁逼人。三餐冰室，裝修夠晒懷舊特色，打卡影相一流。最緊要幸福簡單，天氣凍冰冰，一於食佢嗰個新上市嘅麻辣雞煲 $108。呢個雞煲對得起個價錢，熱辣辣香噴噴明火上枱，感覺加倍認真。麻辣雞煲 ，香而帶一點小辣，雞件嫩滑多汁，肉質柔軟，果然色香味俱全！雞煲配白飯，吸收晒雞汁嘅精華，例湯有紫菜湯味道好正呀！朋友揀咗有米之晩餐，甜酸咕嚕肉飯 $52，甜甜酸酸的醬汁好開胃，咕嚕肉入口有少少外脆內嫩，送飯真係好啱口味！最近有啲咳，聽講熱檸檬可樂煲薑可以止咳喎，又試吓先！跟餐加$8 真係抵飲。