Read full review
2021-06-10
2871 views
去九龍城買完野…諗下去邊開飯…經過蟹仙…咁擇日不如撞日…就食海鮮蒸鍋。因為之前都食過蟹仙好好味。坐低望下Menu, 豐儉由人…300又有400又有…因為同朋友都好鍾意食蟹…就點左個$499餐…因為呢個餐有兩隻蟹😍😍😍。呢度好有彈性…店員話糕蟹同奄仔蟹今日都好靚…主動提議可以每樣一隻咁就試齊哂。其他海鮮就有月亮貝…刀背…美國青口…半條東星…越南虎蝦。我就好貪心加左隻本地龍蝦😍…食完海鮮就到肉類…有安格斯牛肉…豚肉…蟲草雞…芝心小籠包…醬爆牛丸…爆汁貢丸…少少菜…食定所有野仲有排骨粥、之後仲有椰汁燕窩…真係好鬼飽。首先蒸左條魚先…東星肉質好嫩滑…半條真係唔夠喉😋😋。跟住介紹下呢度既貝類海鮮…月亮貝…刀背同美國青口…店員話所有都係野生(見到黐住d海草)…美國青口比平時食到既青口大隻…口感有d似蠔…月亮貝就好鮮甜…肉質好嫩…刀背就比較有咬口…所有貝類都好重海水味…到主角之一既蟹啦…見到糕蟹同奄仔都爆哂糕…未食都覺得好好味…鍾意食蟹呢個餐啱哂。糕蟹d糕好似鹹蛋黃咁…好香…呢種糕就會比較實。奄仔d糕就剛剛相反…流心蛋咁…好香好creamy。未蒸時…見到有d糕係綠色既…店員解釋呢個奄仔蟹係呢個少域食
坐低望下Menu, 豐儉由人…300又有400又有…因為同朋友都好鍾意食蟹…就點左個$499餐…因為呢個餐有兩隻蟹😍😍😍。呢度好有彈性…店員話糕蟹同奄仔蟹今日都好靚…主動提議可以每樣一隻咁就試齊哂。其他海鮮就有月亮貝…刀背…美國青口…半條東星…越南虎蝦。我就好貪心加左隻本地龍蝦😍…食完海鮮就到肉類…有安格斯牛肉…豚肉…蟲草雞…芝心小籠包…醬爆牛丸…爆汁貢丸…少少菜…食定所有野仲有排骨粥、之後仲有椰汁燕窩…真係好鬼飽。
首先蒸左條魚先…東星肉質好嫩滑…半條真係唔夠喉😋😋。
跟住介紹下呢度既貝類海鮮…月亮貝…刀背同美國青口…店員話所有都係野生(見到黐住d海草)…美國青口比平時食到既青口大隻…口感有d似蠔…月亮貝就好鮮甜…肉質好嫩…刀背就比較有咬口…所有貝類都好重海水味…
到主角之一既蟹啦…見到糕蟹同奄仔都爆哂糕…未食都覺得好好味…鍾意食蟹呢個餐啱哂。糕蟹d糕好似鹹蛋黃咁…好香…呢種糕就會比較實。奄仔d糕就剛剛相反…流心蛋咁…好香好creamy。未蒸時…見到有d糕係綠色既…店員解釋呢個奄仔蟹係呢個少域食齋…所以糕變左綠色…奄仔既糕同糕蟹唔到…除左香之餘仲好creamy…用羹食好正…呢個綠色糕味帶甘甜…好正。食完糕就到蟹肉…真係乜野醬汁都無點過…原味已經好鮮甜
食完就到另一位主角龍蝦出場…d肉質好彈牙…味鮮甜…
食完就到肉類…味道都唔錯…要提下個蟲草花蒸雞…好有雞味…肉質好有咬口。
食完咁多肉同海鮮…係時候食番碗粥。所有精華都落哂煲粥度😋😋😋…好鬼好味…隊左3碗
食完其實都好飽好飽…之後仲有椰汁燕窩做糖水。好香椰汁而且唔會太甜…
今次所有食物都保持到水準…最緊要食材新鮮就好好味。店員蒸野時候拿捏得好好…
如果鍾意食海鮮…誠意推介呢個餐
除左食物新鮮好味…店員服務好好…價錢好合理
Post