Read full review
2010-05-16
83 views
自從炮台山橋底間雲吞麵鋪唔再有一啲大粒大大啖原隻蝦嘅雲吞賣之後，好難先比我揾番間有咁鮮爽甜大件夾抵食嘅雲吞，重有勁好味嘅栢葉蜆芥鯪魚球鮮牛河奶茶.....好可惜，佢做到今個月二十七號就拜拜，個老細又好似無心戀戰咁，唉，唯有吃佢一碗雲吞河，一杯奶茶，一個栢葉外賣($55)同一打鮮蝦雲吞($38)益下我屋企人。栢葉無漂白比較有益，爽得嚟唔似漂白個啲咁人工化，加理啲薑葱鼓油，超正，有時佢會無貨或者賣晒，我今次真好彩。雲吞唔駛我講啦，大大粒蝦多豬肉爽唔鹹鮮甜好味。其實牛肉麵牛筋牛腩都好好味架，一個人食唔到咁多咋。重有啲伙記阿姐都好親切友善，極唔捨得。老細唔做，可唔可以話比我知個雲吞師傅會去邊間做呀？
Post
