Folly Bliss Tea Cafe

對上一次來已經是超過半年前既事，今晚得一個人食飯，又想搵個地方慢慢坐下睇下書，想起難得糊塗，所以就過來糊塗一下。

地方無乜點變，但見佢貼左好多舞台劇“小城風光”既宣傳卡，問返經理，發現係佢地免費比呢啲文化藝術團放宣傳品，以支持藝術創作，抵讚!

今晚泥到時已開始多人，好彩我仲有位坐，無訂枱，只好同人搭枱，不個一個人無乜所謂啦～今日叫左羊架餐，質素比上一次來好左好多，湯係雜菜湯，味道比較清淡，都可以啦，不過羊架百五蚊的確抵食，出面食開絕對食唔到咁既質量，仲有大大顆許願樹，應該係炸公仔麵，非常有創意。

最後加多杯熱朱古力咖啡就完滿了。