第一樣到既係肉燥飯，好好味，飯既質地好好(偏軟)合晒我心意，味道濃郁，飯，肉同汁既比例做得啱啱好，份量亦好夠。係食緊一樣咁濃味既野之際，砂鍋雲吞津白黎喇，諗住有啖湯飲下，清清味蕾。先試試個湯，熱辣辣，但味道偏咸，雲吞有4粒，菜有4棵左右，有好多大蝦干，又有一塊塊肉。可惜……佢咸左啲，將心諗住可以清淡少少既感覺破壞左。最後我地2個飽到連最後個爆牛肉都成個打包拎走。哈哈哈哈…… 最後一定要一提既係，有位紮住髻既侍應姨姨，非常10分Nice，我舉手示意想要打包，佢笑住跑過黎問有咩幫到手，之後仲即刻就幫埋我搞。臨走時咁啱望到，佢仲笑笑口向我揮手拜拜，佢既服務我地100分滿意！
