今日同家人出去食飯，就選擇咗了呢間馬拉菜館， 貪佢夠平同埋出面可以泊車。
餐廳入面唔係好大，但幾有特色， 部份飯餸用的係馬來西亞拼音。
因為近排枕住翻發感冒，所以就冇叫肉骨茶， 因為比較燥熱， 都比較可惜，因為佢的肉骨茶 可以添飲。
我叫咗個怡保雞絲河粉，同阿囡share食，老公叫娘惹喇沙，工人姐姐叫咗塔拉炸雞椰漿飯。 再叫咗我最鍾意食嘅咖央多士，馬來西亞沙嗲—牛， 秘醬生菜。
個椰漿飯姐姐話同印尼菜式好似， 個飯好豐富， 一碟好似包羅萬有，半隻熟雞蛋，香脆花生，咖哩薯仔， 乾魚仔， 炸雞肉同青瓜片。 有試過炸雞,外酥內嫩,頗美味。
娘惹喇沙有蝦，魚片，蜆，蛋，豆卜， 湯底有香濃嘅椰奶味。
雞絲湯河， 湯底清甜， 分量多，仲有兩隻玻璃蝦。
咖央多士， 20蚊都算抵，咖央醬有層次，有椰香味，斑蘭味及牛油味，但塗得唔夠均勻，有一塊唔係好食到醬
馬來西亞沙嗲牛串，牛肉唔係好大塊但肉質嫩滑，配上秘製沙嗲醬，好惹味。
整體來說性價比高，而且一個人黎食或一群人來食都好易叫餸。
