今晚陪豬小姐共晉晚餐嘅並唔係御用日本菜鐵腳咀刁v
而係佢呀！豬先生
佢被迫陪食哈哈哈今晚order嘅都係以熟食為主 新鮮又美味嘅刺身 都係留番同啲識欣賞嘅朋友仔一齊食好啲
九井海鮮湯用茶壺仔去盛載湯水 飲用時倒入小茶杯 人去品茶 我就品湯
湯小小卻很足料 材料有蜆 蟹腳 蝦 魚 青口及冬菇 十分豐富
難怪湯有種天然嘅鮮甜 感覺清而不膩
豬先生豬小姐來淺嚐一下浜燒海鮮
蟹肉蟹膏甲羅燒非常邪惡
和暖香濃深啡色嘅蟹肉蟹膏充斥滿口 幸福
連同梳打餅伴食 食法新奇有趣 愛膏者必食！
活北海道扇貝加入清酒味醂去燒 當酒精揮發後 剩餘清酒淡淡的清甜 加上扇貝原有嘅鮮味 認真不得了
汁都唔好浪費 絕對係精華所在呢！
店員細分幫我地將扇貝一分為二 雖然如此 亦是那麼啖啖肉
燒三文魚親子卷帶尼簡單嘅滋味
卷物入有蟹柳 蛋等等 面頭鋪上灸燒半熟兼肥美嘅三文魚 連同沙律醬及三文魚籽 味道令人感到治癒
串燒亦係居酒屋嘅重點主打 我地同樣點左幾串試試
一共叫左四串 包括係燒秋葵 燒牛舌 燒雞心 燒雞腎
串燒一定要趁熱食呀
秋葵係好有益嘅食物 有助通便降血糖
不過唔係個個都接受到佢滑潺潺嘅口感 豬小姐就大愛了
燒牛舌薄切爽口無羶味
燒雞心雞腎亦燒得香口 重點一定要加檸檬汁吊出鮮味！
鱈場蟹海鮮炒飯好足料 材料絕對唔吝嗇 真係有大大舊蟹肉
其餘仲有蝦 帶子 蜆 蟹籽 足料又有獲氣
飯粒飽滿還加入黑椒粒增強惹味度 豬先生吃個不停
銀鱈魚西京燒燒得滑溜充滿魚油香 肉質柔軟味道帶甜嘅魚鮮味令人滿足
點上蛋黃醬係完美配撘 別有一番風味
旁邊有沙律菜伴碟 除左係裝飾 仲有減膩及平衡營養之用
用餐坐得舒服 還境又有氣氛而且食物有水準嘅日式居酒屋唔多 「九井水產」的確有尼種魔力令人encore
