陳勤記鹵鵝飯店 (Closed)

一早訂左兩枱八點，去到鹵鵝飯店梗係要食鹵水野啦! 點知叫乜冇乜，鵝掌，鵝片，鵝腸，鴨舌，真係叫得既都叫晒咁滯，但係真係得個叫字，因為以上既都冇喇! 我地一早訂左兩枱喎，really 冇諗過要預多少少portion? 最後我地食左兩碟鵝頸鵝頭...我真係食唔出d餸頭餸尾好唔好食囉... 仲有叫左其他小菜同湯，個豬肺湯係ok既，其他既馬友，蠔餅，芋鴨都正常，而甜品反沙芋我最鐘意，綠豆爽就太甜，最好笑係，我地食綠豆爽冇匙羹，因為未洗好喎.... 最後先尼返叫左好耐都未尼既火腿津白!我第一次食完甜品再返兜個菜!冇野下嘛?!最後佢話要收開瓶費，但係去過上環果間係free我地架喎!佢地話要等老闆尼先喎...最後老闆都有free到我地，但已經好嬲喇俾間野激到!