HeSheEat (銅鑼灣地帶)

寫過嘅食評當中，呢間餐廳對我嚟講真係相對難寫。因為佢對我嚟講真係一啲都唔出眾，但又唔難食，要我形容就係你食完好快就會忘記嘅餐廳。假如朋友約你食你會去，但唔會推薦俾人食，自己亦唔會特別去食嘅餐廳。

食物方面味道真係好雞肋，意粉係較幼身嘅扁意粉嚟嘅，但佢煮得有啲過淋，而我個人係鍾意食落有咬口、彈牙嘅意粉，所以唔係太啱我口味。四粒蝦仁算大粒，食落都算食係爽口。兩款嘅意粉汁都略嫌有啲太稀太水(見圖)，食落麻麻地。:(

脆薯塊上菜嘅時候都仲係熱辣辣，食落都脆身，但味道同我喺一般快餐店或者超市買返嚟炸嘅係一樣味，冇咩驚喜但都ok 嘅。

整體嚟講我覺得好一般，但見到甜品好似好多好評，如果遲啲有機會可能會去試多次。