吉野家 (Closed)

記得幾年前初初中去日本做野，係做freelance 無固定收入，為左慳錢成日去吉野家，800 yen 唔使就有飯有牛肉又綠茶任飲，實在抵食。想食得豪D 就買個納豆或生雞蛋拍落去真係滋味無窮，連稅都係俾多120yen。<br />返來香港都僧耐不時幫襯，三十三蚊個餐有大牛肉飯加泡菜加o者哩又味噌湯和有汽水唔可以話貴。當然飯只是珍珠米非日本米﹝咁香港又有幾間日本料理能供應正宗日本米呢？﹞，牛肉薄薄的但都舖滿個碗，加入酸薑七味粉等咁又一?了。當然來吉野家牛肉飯是首選，其他如雞扒或東坡肉好食極都有個譜，亦大可去其他地方食，建議不要試。早餐同下午茶仲抵，12 蚊有個細牛肉飯加杯綠茶，真正平霸。<br />側聞其在日本的勁敵~松屋Matsuya 都曾有興趣來港，但睇而家個市都係流料居多。