想早點食晚餐, 又想豐富一點, 打電話去朋友介紹的放題又滿哂位, 於是再去呢間 -- 起碼第三次食了, 成日回頭, 梗係好野啦!
我地六點正去到, 剛剛開始, 壽司飯都係整緊, 但反而上菜更快, d野更fresh, 正!
去到梗係先叫我同女友都喜歡的刺身啦, 好鮮, 好靚!
沙律比想像中大碟, 但d菜好reen好新鮮, 完全食哂無難度!
有壽司飯, 叫左小小壽司, 都好好味.
串燒係好好食的, 女友喜歡燒多春魚, 我就喜歡燒雞翼 -- simple, but really tasty!
另外女友體貼叫左碟燒牛柳粒俾我, 都唔錯, 但比唔上跟女友一人一枝燒雞軟骨拿著吃那麼爽 -- 當然雞軟骨好味啦!
叫左個炒雜菜食, 佢會視你一台人數預份量, 剛剛好, 亦都好食到唔記得映.
天婦羅我地今次叫得唔多, 都唔錯.
係個蒲燒鰻魚想像唔到好細'粒'的.
叫左個豆腐雜菜鍋, 天氣涼涼地食呢d鍋物感覺更正!
刺身三文魚同蝦都好吸引, 八爪魚都頗好.
另外有罐裝汽水任飲(百事, 七喜, 忌廉, 橙, 提子), 我同女友都唔好飲酒, otherwise佢地個清酒任飲真係好抵.
惟一缺點係地方較細, 人多小小去都要book位.
但無時限壓力, 魚生水準好的放題真的不是隨處可以找到的.
很滿意, 下次再食!
