Read full review
2010-03-08
11 views
6-3-2010收工後到尖沙咀食 lunch, 2:xx pm 行勻成條亞士厘道都無乜心水, 朋友提議不如食八王子吧, 還掂以前嚟過 (http://www.openrice.com/restaurant/commentdetail.htm?commentid=1960370) 唔太差 -- 雖然其實亦唔太好 繼續避食生嘢, 今次叫了「咖喱天婦羅蝦烏冬定食」: 上次試了個「酸酸叔叔」的木魚清湯底, 所以今次叫了咖喱遮遮掩掩, 果然好少少, 不過咖喱汁稀稀的, 唔香唔辣又唔太甜 (!?), 右埋腍到快「溶」的紅蘿蔔, 薯仔及洋蔥, 其實無乜吃頭; 烏冬就繼續超市質素, 腍腍的, 不過叫幾滑口, 算吧.天婦羅蝦炸得幾酥脆, 不過都幾厚面皮, 食落粉多過乜 中間的蝦肉爽口而無味, 而天婦羅汁就唔夠鹹又唔夠甜, 又無蘿白茸供應, 絕對可用「乏味」來形容 On the side 的前菜係汁煮蘿白牛舌, 牛舌爽身, 帶點味噌香, 呢個反而仲好食 仲有凍咖啡一杯, 齋飲帶點澀, 落嘢後就較易入口, 不過竟然供應花奶, 感覺古古怪怪的.朋友就又食蔥吞拿魚茸丼... 試了少少蔥吞拿魚茸, 味道都幾
收工後到尖沙咀食 lunch, 2:xx pm 行勻成條亞士厘道都無乜心水, 朋友提議不如食八王子吧, 還掂以前嚟過 (http://www.openrice.com/restaurant/commentdetail.htm?commentid=1960370) 唔太差 -- 雖然其實亦唔太好
繼續避食生嘢, 今次叫了「咖喱天婦羅蝦烏冬定食」: 上次試了個「酸酸叔叔」的木魚清湯底, 所以今次叫了咖喱遮遮掩掩, 果然好少少, 不過咖喱汁稀稀的, 唔香唔辣又唔太甜 (!?), 右埋腍到快「溶」的紅蘿蔔, 薯仔及洋蔥, 其實無乜吃頭; 烏冬就繼續超市質素, 腍腍的, 不過叫幾滑口, 算吧.
天婦羅蝦炸得幾酥脆, 不過都幾厚面皮, 食落粉多過乜 中間的蝦肉爽口而無味, 而天婦羅汁就唔夠鹹又唔夠甜, 又無蘿白茸供應, 絕對可用「乏味」來形容
On the side 的前菜係汁煮蘿白牛舌, 牛舌爽身, 帶點味噌香, 呢個反而仲好食
仲有凍咖啡一杯, 齋飲帶點澀, 落嘢後就較易入口, 不過竟然供應花奶, 感覺古古怪怪的.
朋友就又食蔥吞拿魚茸丼... 試了少少蔥吞拿魚茸, 味道都幾淡, 不過索價幾十蚊的定食, 貨色唔多靚都可以理解的...
另散叫了厚燒玉子及燒牛舌 share 食... 厚燒玉子燒得熱辣辣, 食落夠軟熟, 亦幾清甜多汁, 不過蛋香唔多夠, 還是魚一丁 (http://www.openrice.com/restaurant/commentdetail.htm?commentid=2032278) 好; 牛舌屬薄切, 燒得尚算乾身, 食落爽口, 但鹽燒都唔「鹽」嘅, 淡咗 d 喎 不過朋友又好似幾喜歡, 就由佢包底吧.
埋單每人約 $120, 印象繼續一般, 應該唔會再來了.
Post
