睇到menu唔同左，多左d menu course同小食，八卦問多句原來岩岩轉左新廚師... 咁就梗係要試新野啦！
我哋4個人叫左4個小食, 3個main course, 加幾杯健士力draught同gin tonic先係$1800, 坐足成晚好抵食😋
🔥Gin愛好者注意🔥
最驚喜嘅係杯gin tonic(太興奮唔記得影相sor)，呢度竟然有MUI gin!!!! 識飲Gin嘅就知，MUI gin好難搵到地方飲，仲有青瓜代替青檸，呢個要加分💯
有個牛油炒雜菇唔記得影相，但係係好好味嘅😋
炸洋蔥圈⭐️⭐️⭐️⭐️
好感動終於食到唔係炸粉同洋蔥分開散晒嘅洋蔥圈，唔知落左咩調味，唔點醬都好食，不過佢配個韓式辣醬又真係好出色👍🏻
Tacos配個非一般嘅醬⭐️⭐️⭐️⭐️
出邊一般都係蕃茄醬汁，佢呢度嗰個入邊好似係有茄子，總之就係好特別又好好味😋
炸雞軟骨⭐️⭐️⭐️+0.5
standard野，炸雞軟骨不嬲都係食香口唔係食味道，我個人覺得如果有未椒鹽一定會更加惹味。
黑松露薯條⭐️⭐️⭐️+0.5
都係standard野，無咩特別，黑松露同埋薯條略嫌分開咗啲，如果可以溝埋一齊就更加好。
焗帶子配薯蓉 ⭐️⭐️⭐️⭐️⭐️
拿！呢個係出色嘅！帶子好嫩，配埋上面啲麵包糠好香。更加出色嘅係下面啲薯蓉(我是薯仔控🥔)，好香好滑好creamy但唔會好溜，我自己就鍾意啲薯蓉多個粒帶子😂
燒雞(好似加幾十蚊就有一隻) ⭐️⭐️⭐️⭐️⭐️
唔想講雞有雞味😂 但唔鞋，嫩，香，加埋個汁，approved!
高潮牛脷(個名係我哋自己改😆) ⭐️⭐️⭐️⭐️⭐️🤩
唔好睇佢咁嘅樣，如其名，好食到高潮，呢個真係必食！出面食串燒牛脷唔係薄就乾，唔係乾就鞋。呢個牛脷厚切仲要係淋，咬落塊有汁好香，唔係高潮係乜，我都諗唔到。
冬陰帶子意粉⭐️⭐️⭐️⭐️⭐️🤩
好！好！食！ 勁香！小辣！好惹味！想encore但真係食左太多野... 我覺得係除左牛脷之外，呢個係必食！
牛肝菌意粉⭐️⭐️⭐️⭐️⭐️
講真，呢個都好香好好味。但個人口味實在太鐘意食冬陰意粉，如果你唔鍾意冬陰功嘅話，另一個選擇就係呢個。
飽到不要不要的，下次去試下shisha先🤤
