平日大約八點半去到 仍然長龍不斷
好在都唔係排左好耐就入到去啦
男朋友點左我推介嘅秘製豬扒飯配肉燥汁
另外在加左煎蛋
而我就叫左叉粒豆角蔥花炒滑蛋飯
我就另外加左厚午餐肉 (+$10)
.
秘製豬扒飯配肉燥汁 ($56) + 煎蛋 (+$8)
坐左係廚房嘅前面吧檯 見到啲豬扒真係即叫即炸
上檯個下真係熱辣辣 外層真係超酥脆
入面嘅水份完全鎖實 咬落鬆軟又juicy 真係超級好味
煎蛋亦煎得好靚仔 蛋漿配埋佢地粒粒分明嘅飯粒食又係另一種享受～
.
叉粒豆角蔥花炒滑蛋飯 ($52) + 厚午餐肉 (+$10)
呢款一直都好想食！滑蛋滑溜溜濃蛋香不在話下
加左豆角同蔥花完全係提昇左口感🤤
厚午餐肉食落好滿足 滿滿鹹香！
.
芝麻雞翼 ($28/2隻)
食到呢度 對呢間嘅炸物絕對有信心
外皮加上香椒芝麻作調味 個雞皮更顯出色
入面嘅雞肉又係嫩滑多汁到一個極致 讚👍🏻💕
.
絕對又要encore!!!
