Video
Read full review
2021-03-08
1795 views
📍 Burger Joys呢間全球top 50既burger，返工時不時會黎買外賣返公司食，都係食lunch多。今晚同C先生拍拖，咁啱又有英超可以睇。一於就夜晚黎試下。➖➖ 📌 Chicken Burger $89嗌一個漢堡仲可以加$41轉成set，有薯條同野飲。揀左扭扭薯條同1/2 pins beer。一路飲啤一路睇波都好嘆。講返個burger先。麵包好鬆軟，食到搽左牛油再煎香左。配料有酸瓜🥒生菜🥬番茄🍅紅洋蔥🧅，醬就係蜜糖芥末醬。雞扒事先煎至香脆，可惜外皮有少少乾爭爭左。雞扒幾厚身，中間會冇咁乾但唔算juicy。➖➖📌 Cheese Burger $109芝士牛肉漢堡夠曬邪惡，又大又厚，有半溶芝士同牛肉。牛肉仲要係用安格斯靚牛肉黎打成meat patty，口感比較紮實，牛肉味濃郁之餘，仲充滿肉汁。配料都係一樣嘅酸瓜🥒生菜🥬番茄🍅紅洋蔥🧅，醬汁就係沙律醬，酸酸地，可以中和下飽肚感。➖➖ 📌 Crispy Garlic Wings $59 for 6 雞翼最有驚喜，即點即炸，包上檯時夠曬熱辣辣。外層炸粉好薄配上泰式辣醬，加埋勁多炸蒜粒，真係超惹味。➖➖ 📌 Curly Fries
呢間全球top 50既burger，返工時不時會黎買外賣返公司食，都係食lunch多。今晚同C先生拍拖，咁啱又有英超可以睇。一於就夜晚黎試下。
➖➖
📌 Chicken Burger $89
嗌一個漢堡仲可以加$41轉成set，有薯條同野飲。揀左扭扭薯條同1/2 pins beer。一路飲啤一路睇波都好嘆。講返個burger先。麵包好鬆軟，食到搽左牛油再煎香左。配料有酸瓜🥒生菜🥬番茄🍅紅洋蔥🧅，醬就係蜜糖芥末醬。雞扒事先煎至香脆，可惜外皮有少少乾爭爭左。雞扒幾厚身，中間會冇咁乾但唔算juicy。
➖➖
📌 Cheese Burger $109
芝士牛肉漢堡夠曬邪惡，又大又厚，有半溶芝士同牛肉。牛肉仲要係用安格斯靚牛肉黎打成meat patty，口感比較紮實，牛肉味濃郁之餘，仲充滿肉汁。配料都係一樣嘅酸瓜🥒生菜🥬番茄🍅紅洋蔥🧅，醬汁就係沙律醬，酸酸地，可以中和下飽肚感。
➖➖
📌 Crispy Garlic Wings $59 for 6
雞翼最有驚喜，即點即炸，包上檯時夠曬熱辣辣。外層炸粉好薄配上泰式辣醬，加埋勁多炸蒜粒，真係超惹味。
➖➖
📌 Curly Fries
即叫即炸既扭扭薯條，香脆可口，又大份。唔洗再去食金拱門了。
➖➖
全港top 1 burger果然名不虛傳，之後想試埋其他fries and wings。
➖➖
地址：灣仔駱克道42-50號君悅居地下E舖
➖➖
Post
