金興潮洲飯店

我覺得係全港性價比最高的潮洲打冷店（金興潮洲飯店）。食咗五個餸（韭菜豬紅，滷水鵝，白灼吊桶，椒鹽九肚魚，炒薄殼）加一支啤酒、一罐可樂。500蚊有找！
金興好多年，街坊店。食佢傳統野啦！
個價錢對得住，正宗打冷店。
環境簡樸，但係做嘢超級爽手。
夜晚六點先開舖，現時賣晒就閂門（以前開到夜晚三四點）
七點後好多人等，所以早啲去
另外老細係好人嚟㗎，成日幫啲附近老人家
啲老人家街坊落去買飯，他會盡量平啲。人間有情。希望大家多啲幫襯佢。現在香港環境好差。好人好事，買少見少。

3

1

韭菜豬紅，入味爽口。滷水鵝，肉質嫩滑入味。白灼吊桶，鮮甜美味

椒鹽九肚魚，炸醬皮薄脆，魚肉嫩滑。