300
4
0
Level2
25
0
散水餅係職場文化既一大難題,要得體得黎好食,每一個職場要買既價錢同文化都唔同,近排撞正我啱啱買完,好多人都dm問係邊到買😂 加上又到轉工季節,所以索性出一個長post比大家參考下,單買又得買禮盒🎁又得😜 外表精緻到好似cake咁😍 仲有送貨服務,不論係自取定送貨都無問題~ 如果想自己食就要去門市買,網上訂既話最低訂購額係$400,要免費送貨就要$500以上,如果唔係就要收$60運費~呢間其實買黎自己食定係散水餅都得幾方便!size有正常 (6.5cm) 同迷你 (4.8cm) 任君選擇~ 正常size可以單買,又可以買9個禮盒裝,大盒裡面再有獨立包裝幾貼心;如果覺得價錢上貴左啲,尤其係好似我咁要買六十幾件,budget有啲緊手,可以考慮買迷你既,size唔係細好多又得體,不過迷你無得單買,只可以買16個既迷你禮盒裝,裡面係固定既5個味,我買左4盒,全部都唔會太甜,而且迷你呢個size幾好,唔會令人覺得太飽或者濟,唔同年紀既人都啱,用黎派俾同事甚至上司都係唔錯既選擇!我其中一個同事仲問埋營養師有幾多卡路里,一件迷你既大約一百多卡路里,食完都唔洗怕熱量爆表😍16個既盒每個撻都有凹位,每個撻
Read full review
散水餅係職場文化既一大難題,要得體得黎好食,每一個職場要買既價錢同文化都唔同,近排撞正我啱啱買完,好多人都dm問係邊到買😂 加上又到轉工季節,所以索性出一個長post比大家參考下,單買又得買禮盒🎁又得😜 外表精緻到好似cake咁😍 仲有送貨服務,不論係自取定送貨都無問題~ 如果想自己食就要去門市買,網上訂既話最低訂購額係$400,要免費送貨就要$500以上,如果唔係就要收$60運費~
Mini  Tart  Box
0 views
0 likes
0 comments

呢間其實買黎自己食定係散水餅都得幾方便!size有正常 (6.5cm) 同迷你 (4.8cm) 任君選擇~ 正常size可以單買,又可以買9個禮盒裝,大盒裡面再有獨立包裝幾貼心;如果覺得價錢上貴左啲,尤其係好似我咁要買六十幾件,budget有啲緊手,可以考慮買迷你既,size唔係細好多又得體,不過迷你無得單買,只可以買16個既迷你禮盒裝,裡面係固定既5個味,我買左4盒,全部都唔會太甜,而且迷你呢個size幾好,唔會令人覺得太飽或者濟,唔同年紀既人都啱,用黎派俾同事甚至上司都係唔錯既選擇!我其中一個同事仲問埋營養師有幾多卡路里,一件迷你既大約一百多卡路里,食完都唔洗怕熱量爆表😍
Mini  Tart  Box
0 views
0 likes
0 comments

16個既盒每個撻都有凹位,每個撻都唔會走位,呢個設計幾貼心👍🏻 裡面仲印左張卡仔圖文並茂咁寫低有咩撻,方便人揀😜 有啲可以改善既地方,盒面有一張卡寫話室溫只可以放半個鐘,但係包埋送黎既時間,加上要慢慢派其實有難度,所以如果可以喺盒既上方或者旁邊放啲液體冰袋,好似有啲賣cake既鋪頭咁會好啲,避免好似宜家cream嗰個位咁會比較快腍,同埋撻既面有少少想出水~ 另外,雖然有凹位等啲撻唔會移位,但攞既時候有少少唔方便,如果凹位可以加喺兩個對角加凸起黎既硬卡紙,連埋個底紙一齊攞出嚟會方便啲~
Mini  Tart  Box
0 views
0 likes
0 comments

價錢同選擇方面:
正常size ($47@1; $415@9 (1盒)):新鮮青檸撻 🍋 (+ $3)、香橙伯爵茶撻 🍊、法式咖啡忌廉布丁撻 ☕️🍮、士多啤梨忌廉撻 🍓、三重香濃朱古力撻、牛奶朱古力柚子撻🥛、黑芝麻抹茶撻 🍵 (+ $3)、檸檬榛子朱古力撻 🍋
迷你size ($400@16 (1盒)):椰子芒果撻 🥥、覆盆子朱古力撻 、士多啤梨忌廉撻 🍓、黑芝麻抹茶撻 🍵、香橙伯爵茶撻 🍊

訂到一定金額,只要輸入優惠碼不論送貨定自取都有優惠: a) 買滿$1,500自取85折 b) 買滿$1,500送貨9折 c) 買滿$3,000自取85折

雖然今次散水餅我食唔到,但係之前食過一次印象幾好,所以味道上綜合一下我同同事既意見出黎~ 迷你16個一盒既係固定左下面呢5隻味:

(5😍 係滿分,🤩係半分)

椰子芒果撻 🥥🥭🥧
椰子mousse為主,軟滑綿密,芒果🥭除左係上面既點綴之外,裡面仲有一層芒果🥭jam~ 份量啱啱好,酸酸甜甜中和翻椰子濟濟地既感覺,兩種熱帶水果都夾!表面仲撒左啲椰絲🥥,加埋裡面既青檸皮🟢🍋幾有層次感又清新啲,甜度適中~ 撻皮酥脆

覆盆子朱古力撻 🍓🍫🥧
朱古力味香濃而且幼滑,口感好似生朱古力咁,唔會好似牛奶🥛朱古力🍫餡咁實身,亦無咁甜,部分係用左有朱古力🍫界Hermes 既 valrhona👍🏻 同時用左紅莓🍓酸酸甜甜中和翻幾開胃,除左表面有之外,中間有薄薄既一層jam,份量同比例啱啱好~ 餅底襯返係鬆脆既朱古力🍫底

士多啤梨忌廉撻 🍓🍶🥧
雪白及香草🌿忌廉細緻幼滑,上面有士多啤梨🍓jelly🍮,裡面仲有青檸皮🟢🍋 同士多啤梨🍓果醬,口感豐富得嚟,青檸皮令到成個撻更清香,以往士多啤梨加忌廉呢個組合雖然喺蛋糕🍰比較常見,但多cream比人覺得會好肥咁,今次除左表面既jelly仲有裡面既jam正正可以和翻,買相又靚🤩 杏仁餅底同下面既伯爵茶撻一樣~

黑芝麻抹茶撻 ⚫️🍵🥧
呢個配搭特別得黎有層次感,用左味甘醇厚既京都🇯🇵宇治抹茶🍵做mousse, 軟綿細滑,用既抹茶粉仲要有證書認可真係好有心👍🏻 配埋杰杰地同甜甜地既香濃黑芝麻醬⚫️,中和翻苦味,估唔到兩樣野雖然都濃味,但兩者香味相得益彰,齒頰留香!朱古力🍫底亦都鬆脆~

香橙伯爵茶撻 🍊☕️🥧
橙🍊味既甜品一向比人一種好甜既感覺,但呢個唔會,表面既橙肉蜜餞同茶既比例恰到好處,配埋口感軟滑、芬芳馥郁既伯爵茶☕️cream,估唔到幾夾!杏仁餅撻底鬆脆得嚟唔會好易碎,又唔會過濕幾難得~

$400 for 1 box; $1,440 for 4 boxes (買滿$1,500有9折)

好味指數:😍😍😍😍🤩
推介指數:😍😍😍😍🤩
(The above review is the personal opinion of a user which does not represent OpenRice's point of view.)
Post
DETAILED RATING
Taste
Service
Hygiene
Value
Dining Method
Delivery
Spending Per Head
$25
Recommended Dishes
Mini  Tart  Box
Mini  Tart  Box
Mini  Tart  Box
  • 香橙伯爵茶撻
  • 黑芝麻抹茶撻
  • 覆盆子巧克力撻
  • 士多啤梨忌廉撻
  • mini  tartes  box