因無食lunch，有點餓，所以諗住先來一個粟米忌廉湯，以免空肚食晚餐
唔知係咪我5:30pm坐低太早到，成煲湯未煲好，稀到呢......更唔好講嗰片又硬又唔香的麵包了
Feel到廚師有刻意打碎啲新鮮粟米落湯的，但實在好唔creamy，好似將一盒地捫粟米湯加了3份水的感覺
最慘係，我以為食到因廚師用新鮮粟米粒/粟米芯打碎而成的湯料，但，食食下有幾條刺......起初似粟米鬚，跟住嗰條似幼魚骨，第三條似硬魚骨，插損了一點牙肉，終於剩了半碗湯！但仍攪到跟住成餐飯都要用左邊牙去咀嚼
到上主菜時，我順道向侍應姐姐反映，希望廚師留意（我怕其他客人都中招），我有認真但細細聲的指住啲「刺」話俾佢知，佢的回應令我好surprised......佢秒回話我知原來嗰啲係「香茅」！好有創意的法式料理，但心諗，都要考慮食客的用膳安全吧？！
幸好先苦後甜，油封鴨髀外脆內鬆化，配菜非常match，總算為這一餐加番晒分！
其實個湯只係$45，反映俾侍應聽時，無諗過R咩著數，但估唔到一間聲稱法式餐廳，侍應向經理反映顧客意見後，完全無打算回應、或主動詢問客人意見
去得Odelice，並非要求五星級或酒店的質素，只想近近地、平平地食個casual而fine fine地的dinner，食的是對這品牌的信心吧？
好難得等到Odelice開到嚟TKO，期望餐廳更上一層樓，越嚟越旺、越做越好！
