麵賜園 (Closed)

近期係旺角新開了一間港式粉麵店ＸCafe，中西合壁，都幾得意(✪▽✪)鋪頭招牌、玻璃窗上，牆上都係霓虹燈燈飾，充滿懷舊香港味道。老闆好好人，都同我地傾下計吹下水，佢亦係愛麵之人，餐牌內既新興港式粉麵，佢都有輕輕介紹，特別又吸晴。ღ 補一補海鮮湯麵餐牌上有介紹唔同湯底既用料，而呢碗聽到個名都知道個湯底好補好正~ 佢用左十幾斤魚同蝦頭蝦殼熬成，入口真係飲到好重蝦味。重點係飲完個湯唔會口乾乾，證明無咩味精～配料就有花膠、魚肚、新鮮元貝、竹笙等等，好豐富滋潤(☆∀☆)ღ 黑松露牛隊長炒飯飯量多到好似一座雪山咁，入口有好香既黑松露味，愈食愈濃。牛柳粒亦好重牛味，唔韌ღ 牛油果蝦多士蝦多士配牛油果，比較少見，初初以為會好油膩，食落又幾平衡(*ﾟ∀ﾟ*)ღ 素蘇格蘭炸蛋 (1隻)外皮係新豬肉，入面係糖心蛋，外微脆內軟，一冷一熱，呢個新配搭出奇地好食。新豬肉雖然係素食，用大豆做成，但個質感同真豬肉真係相差冇幾，素食者都可以食得到٩(ˊᗜˋ*)وღ 搖呀搖烘焙／烘焙泡泡老闆話佢地既咖啡豆係本地烘焙，所以特別新鮮。咖啡味道香濃，奶泡順滑，比較適合大眾口味。