刺身有齊基本的選擇，例如三文魚，吞拿魚，北寄貝等等，大小適中，無雪藏味。刺身個人比較推薦油甘魚同埋深海池魚，肉身軟滑油份充足
當然重有壽司，火炙脆薯牛肉壽司同火炙黑松露鰻魚都特別推薦
有個特別的薯仔甜筒沙律，用薯仔同沙律代替了雪糕，可以用手攞住食，好有趣！！
另外個人十分推介芝士漿玉子燒，上面加左啲芝士粉，咸甜咸甜非常可口，食完一件又一件
佢地嘅放手卷的盤都好罕見，係細細個一份，方便可以試多幾款，唔怕會飽肚
甜品中吉士奶黃鯛魚燒是我最喜歡的，鯛魚燒暖暖的，豆沙餡配上吉士醬好好味
飲品種類不少，除左有飲品櫃嘅罐裝汽水啤酒之外，餐牌亦提供多款特飲及酒類，梅酒也是不錯的～
食物太多未能盡錄，自己去試下啦！！
