地點方便，食小炒好夠鑊氣，重點係有冷氣，一於試下！環境乾淨，地方算大，
一定要叫番中式大排檔菜式，枝竹豆腐魚雲煲$108，
熱辣辣上枱，魚云炸得香脆，新鮮吾腥，豆腐及支竹吸晒魚雲嘅鮮味，味道適中唔鹹，沙薑雞腳$48
，靈魂嘢食之一，沙薑八角味出眾，而且雞腳軟林林，腳長脹卜卜啖啖肉，估計有成10隻雞腳，正，黃金鮮魷$118，
邪惡菜式之一，鹹蛋味夠香，而且起沙，鮮魷口感脆身，而且每舊都掛上鹹鹹香香嘅鹹蛋醬，送酒一流！咸魚雞粒炒飯$78，
值得一讚，炒飯夠鑊氣而且大碟，吾油身，咸魚大大粒，總括環境乾淨，服務親切，不設加一服務費，重點小菜夠鑊氣，份量大碟，又可以多一個聚腳點，已經訂了枱下星期再食呢間嘅雞煲，而且小菜款式比較多
值得一試，每人百鬆啲，食到飽，仲要打包可以做明天午餐
1
1
