京滬村 (Closed)

本身去雞地想encore千壽,點知原來已經轉左老闆, 好失望...咪係附近搵下有咩食lor...行左幾間都覺得d價錢貴左少少, 唔符合個性價比,同埋都唔係太岩食~最後男朋友決定食上海菜~呢間京滬村都幾"up dup"要行條樓梯上去, 樓梯已經爛爛地, 裝修又有d舊...沿路會見到好多易拉架,主要都係隔離介紹既打邊爐,之前食過都OK,不過今日見到又影低係因為D菜名改到好特別XD講番京滬川先~我地揀左2人餐,酸辣湯, 雞絲粉皮,京蔥爆牛肉(跟薄餅),小籠包,上海粗炒同豆沙鍋餅!加埋$2百幾~ 都幾抵食不過要留意:有小食2碟, 花生同酸蘿蔔, 係會收錢嫁~ 唔食就同佢地講聲一人一盎既酸辣湯, - 酸得制唔辣- 料多仲有2隻蝦仁仔雞絲粉皮- 普普通通主要都係男朋友ko晒~係湯都係飲左幾啖既時候已經上埋個牛肉,即刻叫侍應上慢d, 佢話ok好,轉個頭1分鐘都無出埋個小籠包,話蒸左無得停,咁都明白由佢...上完小籠包2分鐘, 又上埋個上海粗炒,唔洗十分鐘竟然上晒d野(由於甜品侍應一開始已經講明係叫起, 所以甜品無上)真係以為自己去左食快餐....侍應上完碟粗炒就話幫我地同碟蓋住等佢無凍得咁快啦,咁都