話說我都做咗九龍東區嘅人都有一段嘅時間喇,但係覓食嘅地方就好似經常專注咗喺油尖旺區或者港島區比較多,隨著將軍澳區人口愈嚟愈多,商場食肆亦都開設咗唔小,睇嚟我都要開始多啲嚟發掘一下呢邊嘅美食啦
今日收咗工就同阿肥嚟呢間幾有特色嘅台灣料理試下,聽個名「桂花小幸」好有中國風嘅感覺,但其實佢係一間好有文青氣質嘅台灣小店嚟架,嚟到嘅時候嚇咗一跳,門口企咗一堆人,仲以為要有排等喇~好彩原來啲人全部都係睇緊個menu有咩食,咁我就極速噤飛入座啦。呢度嘅好處就係速度比較快,只要客人坐低咗睇完餐牌決定好食乜嘢,就可以自己行出櫃面點餐俾錢架喇,就等如快餐形式一樣,可能就係因為咁,所以呢度係免收加一架,感覺上又抵食咗好多
我哋兩口子,每人都叫咗一個主食加一杯嘢飲,之後再叫多一份小食,埋單總共都係$239蚊,價錢都算合理。
俾完錢之後,職員會嚟送餐,佢哋嘅食物盤係用木製造,好精美同埋食物嘅賣相都好吸引,送餐速度超快,而職員都好有禮貌,照顧周到。
喺呢度食嘢嘅人全部都好斯文,大家傾計都唔好會嘈吵大聲,環境令人十分舒服,喺呢度住嘅人想食台灣嘢就唔洗專登搭車去咁遠啦
裡面包括腱心牛肉,牛肚,雞翼,蛋,牛肚勁入味😋牛腱肉亦炆煮得好腍,雞翼一樣出色👍🏻
$58
可自選紅燒牛肉湯底,味道濃郁帶點微辣,唯一不足是雞排皮被炸得較乾,但味道不錯,雞肉夠嫩👍🏻麵的份量超多,還送了幾條小白菜😚
$58
阿肥話呢個麵最大份最抵食,但牛丸好像煮得時間唔夠耐所以有點點硬,佢都話腱心牛肉係最好味的😋佢呢個麵裡面仲有蘿蔔做配料,真心抵👍🏻
$68
The above review is the personal opinion of a user which does not represent OpenRice's point of view.
