一人一鍋獨立湯底，既衛生又絕對照顧到每位食客嘅口味，絕對值得一讚！
我揀嘅藥膳麻辣鍋，香、麻、鮮、辣，入面仲加有六款藥材，驅寒又好味。
另一半嘅美肌窩，充滿雞湯鮮味，又有滿滿骨膠原，另一半大愛。
揀好湯底，侍應隨即送上日本黑毛和牛片，色澤鮮紅，雪花分佈相當均勻，口感嫩滑，有牛味得嚟唔會羶，相當優質！
北海道夢之大地豚，夠曬新鮮，鮮味得嚟帶有豚肉嘅甜味，亦都十分好食。
自助區有數十款唔同嘅配料，丸類、豆製品、蔬菜、菇類，夠曬多選擇。
蔬菜類仲有貴價嘅羽衣金蘭同冰菜，新鮮優質。
除咗一般罐裝飲品，仲有三款滋潤果汁，怕打邊爐熱氣飲返杯就最適合。
最後當然要食埋香滑嘅Haagen Dazs雪糕，見到我最鍾意嘅比利時朱古力口味，食返三五球是常識吧！
