等候：0 預先電話訂座
服務： 細心 配得上酒店質素，查問客人忌口，主動提示上菜時間，主動幫客人「針」茶
食物：
點心三樣 ： $78-88 /點心
1） 羊肉祼 孜然味好重，配酥皮焗，羊味好重 如果愛孜然羊肉，可以一試。（我個人麻麻）
2） 紫薯眉豆素餃 紫薯味不重 配沙葛好爽口，如果眉豆再多一點 豆香重一點 就完美
3） 牛肉球 這個不推薦 牛肉味不濃 仲食到少少梳打粉味，好似普通酒樓質素。
片皮鴨3食 半只 $798
需要等70分鐘
先上炒鴨鬆 - 好乾身 有鑊氣 切得好碎，配大豆芽，包生菜🥬 幾好食
豆腐鴨湯 - 正常發揮 不驚喜
片皮鴨半只- 果然招牌菜，師父分開 淨皮 皮連肉 淨肉， 淨皮令人好驚喜，鬆化脆皮 不油膩 就算不夾餅皮 都好好食， 的確好少餐廳食到咁鬆化的脆口。 淨肉也不粗糙，雖然算不上嫩滑，但算不錯。
龍躉皮蛋脆米湯飯$298
這個真心推薦，性格比超高，份量足夠4-6人，龍躉魚片數量不少 10片左右，脆米分開上 非常脆口 放湯有「渣渣」聲，湯飯絕配。 各人都好讚賞這道菜。
甜品：
1）柑桔紅棗麻薯 - 常溫偏凍，吉士柑桔軟心，可以一試
2） 芝麻湯丸批 - 可以不試，普通湯丸包住蛋撻皮，芝麻又不夠熱和流心，有點失望
總結： 用餐體驗好滿意，員工服務好積極 細心，雖然點心和甜品未有驚喜，反而主菜好好，值得推薦
1
