Read full review
2021-11-02
1103 views
小妹最近特別喜歡韓食,經過愉景新城,發現商場底層開左一間新的韓國餐廳「梨泰院」,決定一試。餐牌內人蔘湯,韓式炒粉絲,韓式炸雞,冷麵,紫菜包飯,炒年糕,炸軟殼蟹,豬手,牛肉應有盡有,仲有特飲,甜品等等,都幾多野食。跟餐飲品只需加$8,都幾大杯,紅棗蜜出面比較少見,滋潤又健康。甜辣炸雞$86 炸雞上枱香噴噴,沾滿甜辣醬,再灑上芝麻,份量比想像中多,有驚喜,味道甜甜辣辣,好惹味。泡菜煎餅$68煎餅內的泡菜不算太多,口感煙靭軟糯,趁熱食最好味。鮮人蔘雞湯$88除左人蔘雞湯外,仲有鮑魚人蔘雞湯選擇,湯內有少許糯米和人參絲,味道不算太濃,勝在飲完全身暖笠笠。韓式牛肉炒粉絲$74粉絲炒得香口,配料有冬菇,肥牛,椰菜,紅蘿蔔絲,味道唔會太鹹,用來送牛肋條特別好味。炆牛肋條飯$88用石鍋上枱的牛肋條炆得夠軟淋,牛味香濃,醬汁甜甜地,送飯食一流。呢間梨泰院定價親民,餸菜份量足料,味道亦幾好,值得一食。梨泰院荃灣青山公路荃灣段398號愉景新城地下1019號舖🌙月光太太
餐牌內人蔘湯,韓式炒粉絲,韓式炸雞,冷麵,紫菜包飯,炒年糕,炸軟殼蟹,豬手,牛肉應有盡有,仲有特飲,甜品等等,都幾多野食。
跟餐飲品只需加$8,都幾大杯,
紅棗蜜出面比較少見,滋潤又健康。
甜辣炸雞$86
炸雞上枱香噴噴,沾滿甜辣醬,再灑上芝麻,
份量比想像中多,有驚喜,味道甜甜辣辣,好惹味。
泡菜煎餅$68
煎餅內的泡菜不算太多,口感煙靭軟糯,
趁熱食最好味。
鮮人蔘雞湯$88
除左人蔘雞湯外,仲有鮑魚人蔘雞湯選擇,
湯內有少許糯米和人參絲,味道不算太濃,勝在飲完全身暖笠笠。
韓式牛肉炒粉絲$74
粉絲炒得香口,配料有冬菇,肥牛,椰菜,
紅蘿蔔絲,味道唔會太鹹,用來送牛肋條特別好味。
炆牛肋條飯$88
用石鍋上枱的牛肋條炆得夠軟淋,牛味香濃,
醬汁甜甜地,送飯食一流。
呢間梨泰院定價親民,餸菜份量足料,味道亦幾好,值得一食。
梨泰院
荃灣青山公路荃灣段398號愉景新城地下1019號舖
🌙月光太太
Post