新巴黎越南餐廳 (Closed)

今日放工諗唔到食乜，經過銅鑼灣就去咗老字號嘅新巴黎越南餐廳，夜晚七點幾加埋10個人都冇，坐低就嗌咗一個火車頭越南湯檬，有牛柏葉牛丸，同埋牛肉。因為好少客，唔使3分鐘就有得食，熱辣辣湯底夠味冇味精，牛肉都算多，而且質素幾好，至於牛柏葉同埋牛丸就正常發揮，蘿蔔都入味。包埋洛神花茶，甜甜地幾好飲。坐咗半個鐘，客人一半都唔滿。埋單先至$70，而呢個質素絕對交到功課，值得有更多人幫襯。另外想講埋環境乾淨，坐得舒服，而且店員服務有禮貌。