瓏門冰室 (Closed)

今時今日物價不停上漲,二百蚊有找就食到飽飽飽,係龍門冰室揾得到。龍門冰室有六間店舖,呢晚我哋光顧咗尖沙咀分店。六點半鐘已經坐咗好多客人餐牌簡單清晰,用時段來劃分食物款式,一目了然。多士控朋友一坐低,先叫咗個奶油厚多士配凍咖啡餐。啱啱烘好嘅厚多士外面香脆裏面鬆軟,搽上奶油醬,真係幾好食呀！凍啡就香滑而不甜。生菜售罄改菜心,菜心嫩綠,就算吾點蠔油都好鮮甜、健康！G. 秘製咖哩厚切吉列豬柳撈丁餐吉列豬柳大大塊,外面炸到金黃香脆,內裡肉質保持腍嫩,公仔麵時間控制得剛好,麵條分明。秘製咖哩味道香濃中帶微微辣,配上豬柳同麵,刺激食慾之餘又易入口,係最佳配搭！H. 黑椒卡夫芝士雞扒意粉餐雞扒一樣大大塊,除咗黑椒汁夠惹味外,仲有卡夫芝士香味。意粉乾身撈埋醬汁好食！G.同H.精選晚餐都免費送咖啡或茶,我哋以優惠價加$7轉紅豆冰,加$9轉奶茶紅豆冰。两杯飲品都吾會好甜,食到一粒粒軟糯紅豆有口感,而非用紅豆泥。咁抵食,下次再嚟食歐陸滋味餐、常餐、百搭自選推介餐、 焗飯/意粉餐,流心奄列餐……