一去到商場，其他餐廳都坐滿人同要等位，反而呢間就好清靜，所以可以慢慢坐，環境都好寬倘闊落。
先叫左個牛油果salad，dressing太甜，但d菜同牛油果都幾新鮮既～
然後嚟咗蝦意粉，連平時唔鍾意食茄味醬嘅我都覺得個source好正！甜甜地得黎啲蝦又彈牙，好開胃～不過縑個portion太細，5個人每人分得1啖
再嚟一個蜆肉意粉，pasta煮得好有口感，軟硬度岩岩好！蜆肉都好新鮮好有蜆味，不過如果個source可以辣少少就更perfect啦！
之後重頭戲，萬眾期待嘅蟹海鮮拼盤終於嚟喇！呢間以食海產做賣點嘅餐廳以為食海鮮一定冇死，點知愈食愈唔掂...
首先，海鮮當然係以清蒸去煮會食到海鮮嘅鮮味啦，但好奇怪呢間餐廳佢所有海鮮餸都要你配好濃味嘅醬汁去煮。
咁我哋開頭食蟹殼都冇乜野，正正常常啦，不過以麵包蟹嚟講就真係冇咩膏。當我哋食到蟹身同蟹腳果陣，我哋聞到好強烈嘅阿摩利亞味！初初都以為係個別同事反應過大，但到所有同事食果陣都聞到好臭！真係好臭！！！ 所以即刻同左waiter講，佢地就換過一盤龍蝦海鮮拼盤俾我哋.. 咁佢哋嘅服務都算係唔錯嘅～
喺龍蝦海鮮拼盤嚟之前，之前叫咗嘅蜆肉盤都嚟左～見之前個蜆意粉咁正，叫蜆肉盤實冇死啦！點知都係個source累事，個牛油奶油醬好「漏」，太大陣奶油味完全蓋過晒蜆肉味，淨係食到奶油味，對此十分失望。
最後龍蝦海鮮拼盤，同樣地d芝士味重到根本食唔到海鮮味，不過鍾意食芝士嘅朋友可以一試！佢有幾種唔同芝士，係幾香嘅，啲薯仔加埋芝士做配菜都幾好食架～龍蝦肉都幾有咬口，算係唔錯啦～
