滿小館 (Closed)

有時候食西餐食到悶悶地，去食下中菜都不錯。最近就去左尖東既【滿小館】試佢既晚市小菜。就算平日夜晚客人都算多。 八味金磚：炸豆腐外面面衣唔會太厚、外脆内軟，調味偏淡，但作為一道開胃小食不錯。 小館冰鎮甜酸豬爽肉：非常打卡able既菜色，其實就係咕嚕肉+乾冰。豬爽肉無骨無肥膏，肉質爽口，一口一粒。味道都算ok，不過冰有少少冲淡左coating醬汁既味道。 霸皇辣子鴛鴦鷄：鴛鴦鷄係鷄肉+鷄軟骨，而且用左兩種coating炸。分量算好多，非常惹味，但又唔會過鹹，辣度都唔會太超過。非常推薦！ 紫薯山藥泡時蔬：以中菜黎講，蔬菜分量好大一碟。本身怕上湯會鹹，點知都ok wo。紫薯同山藥增加左唔同口感，幾特別。 椰汁桂花糕：食完辣食岩岩好，桂花香、唔會太甜、不過略嫌椰汁味淡左D。