Mak's Noodle (Wellington Street)

今日又黎到中環附近，咁岩做完野已經係食晚飯既時候，上次係呢到就食過沾仔記，點可以唔試埋另一細蓉老舖 - 麥奀記。晚飯時間居然唔使等位，入面仲要有好多吉枱，唔使等位當然唔可以錯過喇。不過其實係門口果陣都有爭扎過，價錢好似比沾仔記貴少少，整體黎講碗麵又好似細D，到底係食返沾仔記定係試新野食 - 麥奀記。一輪爭扎之後，都係決定俾個機會麥奀記。

一坐低，店員唔算殷勤,但係可接受。當你只係付出3X蚊去食一碗既時候，其實真係唔可以expect佢有太多既service俾你。因為當晚既客人都唔算太多，所以隨便入去自己搵個位坐低就得。

世家雲吞麵
雲吞麵黎到，望住個碗既大細，好似同我屋企食飯果碗差唔多size。飲完第一啖湯，確實唔錯，雲吞亦都夠彈牙。雲吞既size係連女仔都可以一啖食哂，一碗有4粒雲吞，即係其實4啖已經食完。麵底亦都唔算太多。

世家雲吞麵

$39

上湯水餃麵
試埋另一款水餃麵，除左都係個湯底吸引我之外，個水餃都唔係話太出眾，無嘜特別，可能唔岩我口味la。呢間野無偏心，2碗野既麵底都係一樣，少得很~~~~食完之後，佢地好似不曾係我既入面出現過，仍然係好肚餓。最後都係決定埋單，另外尋找美食去~~~

上湯水餃麵

$43