好耐之前已經想嚟，但之前經過幾次都見排哂長龍
於是提早出嚟，有位唔洗排，yes!
諗完一輪決定嗌兩份 #定食 - 主食 + 配菜x2
#照燒雞肉 🐓+ #糖心蛋 🥚+ #芝麻茄子 🍆
#和風牛肉 🐂+ #骨附腸 🍗+ #和風豆腐 ◽️
照燒雞肉質嫩滑，而牛肉較多脂肪
自從無食某牛肉飯店後都好似無食過牛肉飯
見啲汁好食攞咗嚟撈飯，點知自己重手得濟，搞到偏鹹😂
主食另外嘅選擇有鹽燒鯖魚或者山賊汁燒漢堡肉(素)，前者我嫌麻煩，後者如果唔係假肉我唔會猶豫即刻揀佢
至於配菜嘅另外剩返嘅選擇係金平牛蒡同醋漬蘿蔔，都唔係我想食嘅嘢🤷🏻♂️
1
#白咖啡 (#flatwhite)
#法國產31%白朱古力咖啡 (#whitemocha)
飲落都似latte，係多咗白朱古力嘅甜味
#焙茶卷蛋 🍵
焙茶味好重，蛋糕質地鬆軟，忌廉綿滑但偏甜
食食下落起大雨，但坐響店內好似同外面個世界隔絕咗咁，好佗佻
其實仲想試吓佢嘅飯團，不過真係夠飽喇，下次先啦~
