Read full review
2020-12-17
1467 views
請咗上午假陪我老婆大人睇醫生，睇完10點幾，問我有咩地方去，見臨近聖誕節不如行花墟睇下花，由旺中沿路走去花園街，就係路經嘅時候見到呢間老餅家，我對傳統既食物一直都大興趣，由佢門面，舖內裝修格局更顯得舊有味道，不同產品的價錢向貼在舖頭兩邊，幫襯既都係50歲左右人士，身為80後忽然我都覺得自己好後生😅，顧客圍繞都係買牛耳、紅豆燒餅、光酥餅.....，經過一輪視察，最後買咗$20/5個紅豆燒餅、$20/4個嚤囉酥。紅豆燒餅：買紅豆燒餅係睇落似最熱熱熱賣嘅食品，事實就真係👍下午返到公司食左一件燒餅，而燒餅本身有厚度同軟身，燒餅皮上亦有烤過嘅芝麻，故燒餅亦有一絲絲嘅芝麻香味，食落口除咗好香口嘅芝麻濃香，再咬深點燒餅皮夾雜紅豆蓉嘅清甜卻中和左芝麻嘅濃味，相得益彰，難怪成為此舖大熱！嚤囉酥：好老實聽就聽得多食就未食過，外層咬落似光酥餅味道，內層餡料都是清清甜甜的味道。下次希望可以試埋香蕉糕同牛耳等等食物👍
紅豆燒餅：
買紅豆燒餅係睇落似最熱熱熱賣嘅食品，事實就真係👍下午返到公司食左一件燒餅，而燒餅本身有厚度同軟身，燒餅皮上亦有烤過嘅芝麻，故燒餅亦有一絲絲嘅芝麻香味，食落口除咗好香口嘅芝麻濃香，再咬深點燒餅皮夾雜紅豆蓉嘅清甜卻中和左芝麻嘅濃味，相得益彰，難怪成為此舖大熱！
嚤囉酥：
好老實聽就聽得多食就未食過，外層咬落似光酥餅味道，內層餡料都是清清甜甜的味道。
下次希望可以試埋香蕉糕同牛耳等等食物👍
Post
