皇茶 (Closed)

今時今日台式飲品店開到成行成市，每一間都只係推薦黑糖飲品，令到品牌特色薄弱，除非味道相當出眾，如果唔係都幾難返轉頭。但今日我喺廣華街附近發現咗一間比較有特色嘅茶飲店。呢間店舖唔單只係買手搖飲品，原來仲有各式各樣嘅cocktail同啤酒🍻係熱鬧嘅街頭都有一個地方chill一chill, 放鬆下。今日去到RoyalTea, 調酒師介紹我哋試試日本Suntory啤酒所調製嘅兩款飲品。第一款 桔檸啤，用上酸酸嘅桔檸，非常refreshing, 加上啤酒嘅小麥香，整體感覺酸甜，微澀，都幾清新易入口，女仔應該會幾鍾意㗎。另一款 奶蓋啤酒，造型別緻，係以奶蓋扮啤酒泡，難怪影完影都仲有豐盈嘅泡沫喺啤酒之上，打卡一流！令我哋大開眼界嘅係店舖嘅 羅漢果糖茶飲🍵羅漢果糖成份天然，加喺茶飲中提升甜度，但依然非常健康 (零卡路里、零脂肪、零碳水化合物)。個人比較喜歡 凍普洱加羅漢果糖，飲落有濃濃茶香之餘，仲帶有清新嘅果糖香味，減糖想食得健康嘅朋友，一定要試一試！