Mom's Dry Noodles (Shun Tak Centre)

老公有約，一個人食又唔想落廚煮飯，所以打算揾間餐廳食埋晚飯先返屋企，最後就比我入左去信德嘅老媽拌麵 。

大約六點零鐘左右，人流唔算多，餐廳有小量坐位，可以堂食，但最後都係太攰外賣返屋企。

私房花雕雞拌麵 $78 + 升級套餐 $28 （青菜🥬+ 鮮奶茶）最開心係佢地7月做緊9折優惠。

私房花雕雞拌麵

1

老媽黑糖珍珠鮮奶茶

返到屋企都成半小時，好彩佢地個粗麵依然keep到煙韌，唔會因為時間耐左就淋晒，第一時間就忍唔住一啖食咗半隻滷水蛋，蛋黃溶溶地好正😋。雞肉、菇都充滿濃郁花雕酒香味。青菜好新鮮，估唔到+$28蚊會有咁大份。飲品揀咗鮮奶茶系列嘅老媽黑糖珍珠鮮奶茶，台式飲品都係覺得珍珠奶茶最好飲，加左黑糖，甜啲好味啲，加上未搖之前嘅漸變色夠晒吸睛。