上星期先去完旺角分店，今日去左Pause It位於北角既第一間店舖。裝潢一樣係白雪雪，面積大樓底高。
食物同飲品選擇非常多，餐廳間中開設咖啡拉花班。
- 鹹蛋黃單骨雞翼
雞翼件數好多，單骨雞翼方便易吮，每一件都炸得好香脆，每一寸既雞皮都沾滿鹹蛋黃醬，旁邊有沙律菜可以解一解膩。
- 芝麻醬蟹肉雜菜沙律
沙律菜同芝麻醬永遠係最佳組合，蟹肉份量超多，沙律菜夠新鮮👍🏻
- 煙雞胸香草麵包三文治配薯條
香草包好鬆軟，嫩滑既雞胸片配上蜜糖芥末醬非常惹味，另外仲有好多配料包括番茄仔、蟹籽等等。配菜有炸薯條，味道香辣。
- 凍伯爵茶朱古力
朱古力味非常香濃，滲透陣陣伯爵茶香，上面放左少少食用花瓣，賣相好靚🥰
- 竹炭鮮奶咖啡
咖啡竹炭味超重，飲落咖啡無咩苦澀味。拉花畫左一隻好靚既綿羊😍
每次到週末既時候，我都會想去咖啡店停一停，抖一抖，Pause It無論飲品同食物價錢都唔貴，而且又可以坐好耐，真係啱晒我😍
